გახდება თუ არა ტურიზმი საქართველოს შემოსავლის მთავარი წყარო? ამ შინაარსის განცხადება ყვარლის ახლადგახსნილ დასასვენებელ კომპლექსში გამართულ მთავრობის სხდომაზე პრეზიდენტმა გააკეთა. „ჩვენ ვცვლით გეოგრაფიას, ვქმნით ახალ ტურისტულ ცენტრებს, რადგან ტურიზმი ჩვენი შემოსავლის მთავარი წყარო უნდა გახდეს,“ – განაცხადა მიხეილ სააკაშვილმა.
მისი თქმით, ფარავნის ტბაზე უმაღლესი დონის გასართობ-დასასვნებელი კომპლექსი მოეწყობა. რამდენიმე დღეში ფარავანზე უკვე მშენებლებსაც აიყვანენ. პრეზიდენტის განცხადებითვე, განახლების სამუშაოები მიმდინარეობს მესტიასა და ანაკლიაშიც.
პრეზიდენტს ტურისტული კომპანიების ნაწილიც ეთანხმება. უმსხვილეს ტურისტულ კომპანია „ენ ტურში“ აცხადებენ, რომ ტურიზმი ყველაზე მნიშვნელოვანი სფეროა, რისი განვითარების პოტენციალიც დღეს ქვეყანას აქვს. კომპანიის გენერალური დირექტორის თქმით, ტურიზმის განვითარება უწყვეტი პროცესია. მისივე განცხადებით, იმ დონის კურორტების განვითარებას, როგორიც მაგალითისთვის, ნიცაა, ათწლეულები სჭირდება, თუმცა რეგიონალურ დონეზე საქართველოს ლიდერის პოზიციის დაკავება ძალიან მალე შეუძლია. გიორგი შენგელია ამბობს, რომ ტურიზმის განვითარებისთვის ნება მთავრობის მხრიდან უკვე არსებობს, მთავარია, ტურიზმის ხელშეწყობისათვის საკანონმდებლო მხარეებიც მოგვარდეს.
საქართველოს ბანკების ასოციაციის აღმასრულებელი დირექტორის გიორგი ცუცქირიძის აზრით, თუ ჩვენ გვსურს გავხდეთ წამყვანი ტურისტული ცენტრების სერიოზული ალტერნატივა და კონკურენტი, ტურისტული ინფრასტრუქტურის განვითარების თვალსაზრისით, ერთ-ერთი წამყვანი ფუნქცია საბანკო სექტორს ექნება.
თანამედროვე ტურიზმი მომსახურების შესაბამის დონეს გულისხმობს. ტურიზმს საბანკო სექტორის განვითარების თვალსაზრისითაც არანაკლები მნიშვნელობა ექნება. ტურისტული ინფრასტრუქტურის განვითარებაში საბანკო სექტორის მაღალი ჩართულობა თანაბრად წაადგება ქვეყნის წამყვან ტურისტულ ცენტრებად გადაქცევასაც და თავის მხრივ საბანკო სექტორის შემდგომ განვითარებასაც. ბანკებს საშუალება ექნებათ მნიშვნელოვნად გაზარდონ კლიენტურის ბაზა და მიიღონ დამატებითი შემოსავლები საბანკო მომსახურების გაზრდის შედეგად ანუ გასცენ სესხები სასტუროებისა და სხვა ტურისტული ინფარსტრუქტურის დასაფინანსებლად და მოემსახურონ გაზრდილ ტურისტულ ნაკადებს. .
|
ზურაბ გვასალია:
